TĪHEI MAURI ORA

Ko te taumata tīmatanga kōrero, e mihi kau ana ki tō tātou Matua nui i te rangi. Nōna te wairua nāna hoki ngā mea katoa i hanga korōria ki tōna ingoa tapu mō ake tonu atu.

E whakahōnore ana tō tātou Kingi Tūheitia, e noho mai rā i runga i te ahurewa tapu o ōna matua tūpuna me tōna whaea, e mihi kau ana hoki ki tana whānau ōtira Te Kāhui Ariki nui tonu.

Ko te korowai aroha, te āhuatanga ki ō tatou tini aituā, he kura rautangihia ki a rātou.

Te hunga wairua haere, haere, haere atu, hoki atu ki te uranga, te taka, te moenga, te whakaarahia noho mai i roto i te atua. Tātou te hunga ora, ngā uri whakatupuranga o rātou mā, tēna koutou, tēna koutou, tēna koutou katoa.

Kia mau ki te whakapono, kia mau, ki te ture, ko te mea nui ko te aroha hei aha te aha

Paimārire

Ko Tainui te Waka,
Ko Maungatautari te Maunga,
Ko Waikato te awa,
Ko Waikato te iwi,
Ko Ngāti Koroki Kahukura e tū nei,
Ko Maungatautari te Marae Ko Te Ngoungou te tangata,

Karanga mai rā, karanga mai rā, karanga mai rā,karanga mai rā e te iwi ki to tātou whārangi ipurangi o te marae o Maungatautari. He whārangi ipurangi tēnei hei whakahonohono i a tātou puta noa i te ao.

Mauri ora

Poto Davies – Chairman Maungatautari Marae

Search